State Budget 2024 : 'मुख्यमंत्र्यांची 'ती' कृती म्हणजे सभागृहाचा हक्कभंग'; विजय वडेट्टीवारांनी नियमावर ठेवलं बोट

मुंबई, (राहुल प्रभू, प्रतिनिधी) : अर्थमंत्री अजित पवार (Ajit Pawar) यांनी शुक्रवारी अंतरिम अर्थसंकल्प मांडला. विधानसभा निवडणुकीपूर्वीच्या या अर्थसंकल्पात घोषणांचा पाऊस पाहायला मिळाला. मात्र, या अर्थसंकल्पावरुन सभागृहाचा हक्कभंग केल्याचा आरोप विरोधी पक्षनेते विजय वडेट्टीवार यांनी केला आहे. अंतरिम अर्थसंकल्प मांडला आहे. मात्र, तो मंजूर झाला नसताना मुख्यमंत्री एकनाथ शिंदे (Eknath Shinde) थेट जीआर पटलावर ठेवला, हा सभागृहाचा हक्कभंग असल्याचं वडेट्टीवार यांनी म्हटलं आहे.