पुण्यात रक्तरंजित थरार, 'तू पोलिसांचा खबरी' म्हणत तरुणावर तिघांचा जीवघेणा हल्ला

पुणे: पुण्याच्या भारती विद्यापीठ पोलीस ठाण्याच्या हद्दीत एका तरुणावर तीन जणांनी जीवघेणा हल्ला केला आहे. संबंधित तरुण सायंकाळी घरी जात असताना तिघांनी त्याचा रस्ता अडवला आणि धारदार शस्त्राने त्याच्यावर हल्ला करण्यात आला. हा प्रकार उघडकीस येताच परिसरात एकच खळबळ उडाली आहे. याप्रकरणी संबंधित पीडित तरुणाने भारती विद्यापीठ पोलीस ठाण्यात तक्रार दाखल केली असून, पोलिसांनी तिघा हल्लेखोरांविरुद्ध गुन्हा (FIR) नोंदवला आहे. हल्लेखोर आरोपींचा शोध घेण्याचे काम सुरू आहे.