‘आधार’चा पुरावा निराधार ठरणार, सरकारचा एक निर्णय अन् तुमचे हे दाखले रद्दच होणार

राज्यात बेकायदेशीर मार्गाने किंवा खोट्या कागदपत्रांचा आधार घेऊन तयार करण्यात आलेले, तसेच फक्त आधार कार्डावर आधारित वाटणारे संशयास्पद जन्म-मृत्यू दाखले आता तपासले जाणार आहेत. महसूल विभागाने अशा सर्व नोंदींची 16 मुद्द्यांनुसार सविस्तर पडताळणी करण्याचे निर्देश दिले आहेत.

खोट्या नोंदी आढळल्यास बोगस जन्म–मृत्यू दाखले ताबडतोब रद्द केले जातील आणि लगेच पोलिसांत तक्रार दाखल होईल. अर्जातील माहिती आणि आधारवरील जन्मतारीख यामध्ये तफावत दिसली, तर संबंधित व्यक्तीवर थेट गुन्हा दाखल केला जाणार आहे. 11 ऑगस्ट 2023 नंतर नायब तहसीलदारांनी केलेल्या जन्म–मृत्यू नोंदी रद्द करण्याचे आदेश देण्यात आले आहेत. केंद्र सरकारच्या मार्गदर्शक सूचनांच्या आधारावर महसूल विभागाने याबाबत विशेष मोहीम राबवण्याचे निर्देश दिले आहेत.