आळंदीत दर्शनासाठी आलेल्या 2 वारकऱ्यांचं अपहरण; महिलेनं ठेवलं डांबून, मग धक्कादायक मागणी

पिंपरी-चिंचवड: आळंदी येथे श्री संत ज्ञानेश्वर महाराजांच्या दर्शनासाठी आलेल्या दोन वारकऱ्यांचं अपहरण करण्यात आलं . पैशांसाठी अपहरण करून त्यांना एका खोलीत डांबून ठेवल्याची धक्कादायक घटना समोर आली आहे. मंगळवारी (दि. ९) दुपारी चार वाजण्याच्या सुमारास आळंदीतील चाकण चौक परिसरात हा प्रकार घडला होता. पोलिसांनी तातडीने सूत्रे हलवत या प्रकरणात एका महिलेसह दोन संशयितांना अटक केली असून, अपहृत वारकऱ्यांची सुखरूप सुटका केली आहे.