Bhimashankar Temple: भीमाशंकर मंदिर 3 महिने दर्शनासाठी राहणार बंद? 'या' कारणामुळे मोठा निर्णय

पुणे : पुण्यातील प्रसिद्ध तीर्थक्षेत्र आणि बारा ज्योतिर्लिंगांपैकी सहावे स्थान असलेले श्री क्षेत्र भीमाशंकर मंदिर भाविकांच्या दर्शनासाठी पुढील तीन महिने बंद ठेवण्याचा महत्त्वपूर्ण निर्णय प्रशासकीय पातळीवर घेण्यात आला आहे. २०२७ मध्ये नाशिक आणि त्र्यंबकेश्वर येथे होणाऱ्या सिंहस्थ कुंभमेळ्याच्या निमित्ताने भीमाशंकर परिसरात भाविकांची अलोट गर्दी होण्याची शक्यता लक्षात घेऊन हा निर्णय घेण्यात आला आहे. कुंभमेळ्याच्या काळात होणारी ही संभाव्य गर्दी आणि भाविकांच्या सोयीसुविधांसाठी शासनाने २८८.१७ कोटी रुपयांचा भव्य विकास आराखडा मंजूर केला आहे. या अंतर्गत होणाऱ्या बांधकामांना आणि विकासकामांना गती देण्यासाठी मंदिर परिसर बंद ठेवणे आवश्यक असल्याचे प्रशासनाचे मत आहे.