उन्हाळी सुट्टीत बिनाधास्त फिरा, मध्य रेल्वेच्या 1484 स्पेशल ट्रेन, कुठून कुठं जाणार?

पुणे: उन्हाळी सुट्टीच्या काळात अनेकजण पर्यटनासह बाहेरगावी जाणाऱ्या रेल्वे प्रवाशांची संख्या मोठी असते. याच पार्श्वभूमीवर मध्य रेल्वेने मोठा निर्णय घेतला आहे. मध्य रेल्वेकडून राज्यासह देशभरातील विविध ठिकाणी 1 हजार 484 उन्हाळी विशेष गाड्या सोडण्यात येणार आहेत. यामध्ये 749 आरक्षित आणि 735 अनारक्षित गाड्यांचा समावेश आहे. या गाड्या प्रवाशांच्या मागणीनुसार चालवण्यात येत असून यामध्ये काही अतिरिक्त गाड्या देखील सोडण्यात येतील, असे रेल्वे प्रशासनाने सांगितले.