भावाच्या हत्येसाठी 4 लाखांची सुपारी, तरुणीशी अनैतिक संबंध, पुण्यातील हत्याकांडाचं गूढ उलगडलं

अभिजीत पोते, प्रतिनिधी पुणे: काही दिवसांपूर्वी पुणे शहरात घडलेल्या अमानुष हत्या प्रकरणाचा छडा लावण्यात भारती विद्यापीठ पोलिसांना यश आले आहे. अनैतिक संबंधाच्या कारणातून ही हत्या झाल्याचं समोर आलं आहे. सख्या चुलत भावानेच चार लाख रुपयांची सुपारी देऊन ही हत्या घडवल्याचं समोर आलं आहे. विशेष म्हणजे, या गुन्ह्यात खुनाच्या घटनेचा पहिला साक्षीदारही सामील असल्याचे उघड झाले आहे. पोलिसांनी मुख्य आरोपीसह चौघांना बेड्या ठोकल्या आहेत.