Breakfast Spots Pune : सकाळची भूक भागवायची असेल आणि गरमागरम पोहे हवेत? पुण्यातली 'ही' लोकप्रिय ठिकाणे खास तुमच्यासाठी

पुणे : सकाळच्या नाश्त्याचा विचार आला की महाराष्ट्रात पहिला क्रमांक पोह्यांचाच लागतो हे मात्र खरं. हलके-फुलके, पौष्टिक आणि चविष्ट असे पोहे प्रत्येक घराघरांत सकाळी नाश्तासाठी दिसून येतात. पिवळसर रंग, वरून कोथिंबीर, ओल्या खोबऱ्याची पखरण, शेंगदाण्यांची कुरकुरी आणि शेवची सजावट या सगळ्यामुळे पोहे खाण्याचा अनुभव नेहमीच खास ठरतो. पुणेकरांसाठी तर पोहे म्हणजे जिव्हाळ्याचा पदार्थ,म्हणूनच शहरात काही ठिकाणं अशी आहेत जिथे पोहे नक्कीच चाखायला हवेत.