पुण्यात पावसामुळे अतोनात नुकसान, आम्ही जगायचं कसं? नागरिकांंनी फोडला टाहो, भयंकर परिस्थिती

पुण्यात खडकवासला धरणाचा साठा 100 टक्के जवळपास झाल्याचा अंदाज आल्यानंतर या धरणातून 40 हजार क्युसेक विसर्ग करण्यात आला होता. याच पार्श्वभूमीवर नागरिकांना सतर्कतेचा इशारा देण्यात आलेला होता. काल 9 हजार क्युसेक विसर्ग केल्यावर पुणेकरांना सतर्कतेचा तसेच पूररेषेच्या जवळपास असलेल्या घरांना सुरक्षित ठिकाणी स्थलांतरित होण्याची सूचना देण्यात आली होती. मात्र, सकाळच्या सुमारास अचानकपणे पाण्याचा वेग वाढला आणि यामुळे लोकांना पर्जन्य परिस्थितीचा सामना करावा लागला. येथील स्थानिकांना या पाण्याच्या विसर्गाबद्दल कुठलीच कल्पना नसल्याचे मत आणि कुटुंबातील लोकांनी व्यक्त केले. पुण्यातील सिहंगड परिसरातील आनंदनगर भागात हा सर्व प्रकार घडला.

2011 साली अशी परिस्थिती उद्भवली होती. मात्र, आता खूप जास्त प्रमाणात नुकसान झाले आहे. टीव्ही, बेड कपाट हे सर्वच भिजलं आहे. अचानक सगळं झाल्यामुळे काहीच करता येत नाही. आम्ही घरात 5 लोक आहोत. घरात मुलगा एकटाच कमवतो. त्यामुळे आम्हांला याची नुकसान भरपाई ही मिळाली पाहिजे, अशा भावना एका कुटुंबाने नागरिकांनी व्यक्त केल्या.