Indapur Election : इंदापूरमध्ये राजकीय भूकंप! विश्वासू सहकाऱ्यानेच दिलं अजित पवारांना आव्हान

Indapur local body Election : गेल्या काही दिवसांपूर्वी इंदापूर नगराध्यक्षपदावरून अजित पवार यांच्या नेतृत्वाखालील राष्ट्रवादी काँग्रेस पक्षात दोन गट पडल्याचं पहायला मिळालं होतं. अशातच उपमुख्यमंत्री अजित पवार यांच्या नेतृत्वाखालील राष्ट्रवादी काँग्रेस (अजित पवार) पक्षात इंदापूरमध्ये मोठा राजकीय भूकंप झाला आहे. पक्षाचे जिल्हाध्यक्ष प्रदीप गारटकर यांनी आपल्या पदाचा राजीनामा देत थेट उपमुख्यमंत्री अजित पवार यांना आव्हान दिले आहे. गारटकर यांनी प्रतिस्पर्धी राजकीय नेते, माजी मंत्री हर्षवर्धन पाटील आणि भाजपचे युवा नेते प्रवीण माने यांच्याशी हातमिळवणी केली आहे. या तिघांनी एकत्र येत 'कृष्णा भीमा विकास आघाडी'च्या वतीने निवडणुकीत उतरण्याचा निर्णय घेतला आहे, ज्यामुळे इंदापूरचे राजकीय समीकरण पूर्णपणे बदलले आहे.