नवऱ्याच्या निधनानंतर हाती घेतलं स्टेअरिंग, पाहा कसा आहे पुण्यातल्या पहिला महिला ड्रायव्हरचा प्रवास
- Published by:News18 Marathi
Last Updated:
सविता कुंभार या गेले 20 वर्ष व्हॅन चालवतायत. त्यांचा हा प्रेरणादायी प्रवास कसा आहे पाहूया.
पुणे, 21 सप्टेंबर : आयुष्य म्हटलं की चांगले वाईट प्रसंग आलेच आणि याला न घाबरता आपण आपल्या आयुष्याला हसत तोंड द्यायचं असंत असं म्हणतं पुण्यातील सविता कुंभार या गेले 20 वर्ष व्हॅन चालवतायत. पतीच निधन झाल्यानंतर खचून न जाता आपल्या 3 वर्षाच्या मुलीला घेऊन गाडी चालवण्याचा प्रवास त्यांनी सुरु केला. त्यांच्या याच प्रवासाने त्यांना आज जवळपास 65 पुरस्कार प्राप्त करून दिले आहेत आणि त्यांनी समाजात आदर्श घालून दिला आहे. त्यांचा हा प्रेरणादायी प्रवास कसा आहे पाहूया.
कसा आहे प्रवास?
सविता कुंभार यांचा विवाह 1992 साली संजय कुंभार यांच्या सोबत झाला. लग्नानंतर 1996 मध्ये त्यांच्या पतीचा मृत्यू झाला. पतीच्या मृत्यूनंतर सविता कुंभार यांनी 2001 पासून व्हॅन चालवायला सुरुवात केली. त्या शाळेत मुलांची ने आण करतात. ‘हा व्यवसाय म्हणजे पुरुषांचा असलेला असा आहे. माझी मुलगी 3 वर्षाची असताना पतीच निधन झालं आणि त्यानंतर आता काय करायचं हा प्रश्न माझ्यासमोर होता.
advertisement
चांद्रयान 3 चं लँडींग कसं झालं? बीडकरांना अनुभवता येणार तो थरार, Video
शिक्षण नववी असल्यामुळे कुठे नोकरी मिळेल की माहिती नव्हती एवढ्या लहान मुलीला घेऊन कुठं जाणार असा प्रश्न होता. माझ्या नवऱ्याची रिक्षा होती ती मी चावायला शिकले. तेव्हा लायसन आणि बॅच काढला तेव्हा आरटीओ वाले म्हणाले तुम्हाला लायसन नाही देणार. पण नंतर त्यांना ते आरटीओ वाल्यानी ते दिलं',असं सविता कुंभार यांनी सांगितलं.
advertisement
टाकाऊ चहापूड बदलेल तुमचं नशीब, शिवाजी विद्यापीठातील संशोधनाला मिळालं पेटंट
view comments'त्यानंतर मला पुण्यातील पाहिली महिला ड्राइव्हर म्हणून घोषित करण्यात आलं. 2005 मध्ये मला पाहिला पुरस्कार महानगर पालिकेकडून मिळाला आणि ही अशीच कौतुकाची थाप पाठीवर पडत गेली. यशस्वीनी, कर्तुत्वान महिला, रणरागिणी, स्वयंसिद्ध, सन्मान चिन्ह, कृतज्ञता, स्त्री शक्तीचा जागर, लघु उद्योजका, धाडसी महिला उद्योजका असे 65 पुरस्काराने मला मिळाले आहेत. एक व्हॅनपासून सुरुवात केलेली आता 4 व्हॅन माझ्या स्वतःच्या आहेत. तसच इतर सामाजिक संस्थासाठी देखील काम करते. याच माझ्या जीवनावर आधारित तू चाल पुढं... पुस्तकात माझा जीवन प्रवास देखील मी लिहिला आहे. तर महिलांनो, खचून न जाता संघर्ष करून पुढं जायला शिका' असं' व्हॅन चालक सविता कुंभार म्हणतात.
Location :
Pune,Maharashtra
First Published :
September 21, 2023 5:51 PM IST
मराठी बातम्या/पुणे/
नवऱ्याच्या निधनानंतर हाती घेतलं स्टेअरिंग, पाहा कसा आहे पुण्यातल्या पहिला महिला ड्रायव्हरचा प्रवास
