तिने 'धर्मगुरू' समजून विश्वास ठेवला; पण तो खरातसारखाच निघाला, आता वसईतील बाबाचं काळं कांड समोर, पुण्यातील महिलेसोबत भयानक घडलं

पुणे : नाशिकमधील भोंदूगिरीचं प्रकरण अजून ताजंच आहे. यात रोज काहीतरी नवे आणि धक्कादायक खुलासे होत आहेत. मात्र, अशातच आता पुण्यातील एका ३५ वर्षीय महिलेनं दाखवलेल्या धाडसामुळे आणखी एका मोठ्या भोंदूगिरीचा पर्दाफाश झाला आहे. "मी साक्षात शंकर असून तू माझी पार्वती आहेस," अशा भूलथापा मारून एका विवाहित महिलेवर बलात्कार करणाऱ्या वसईतील स्वयंघोषित धर्मगुरू ऋषीकेश वैद्य याच्यावर गुन्हा दाखल करण्यात आला आहे. नाशिकच्या खरात प्रकरणाची बातमी वाचल्यानंतर, पीडित महिलेने हिंमत करून स्वतःवर झालेला अन्याय पतीला सांगितला आणि या नराधमाचे पितळ उघडे पडले.