Manoj Jarange : संभाजीराजेंचा जरांगे पाटलांना फोन, जरांगे पाटील राजेंच्या विनंतीचा मान राखणार?

पुणे, 29 ऑक्टोबर, चंद्रकांत फुंदे : मनोज जरांगे पाटील यांनी सरकारला मराठी समाजाच्या आरक्षणासाठी चाळीस दिवसांचा वेळ दिला होता. मात्र चाळीस दिवसांत आरक्षण न मिळाल्यानं मनोज जरांगे पाटील पुन्हा एकदा उपोषणाला बसले आहेत. त्यांच्या उपोषणाचा आज पाचवा दिवस आहे. दरम्यान उपोषणाच्या पहिल्याच दिवशी संभाजीराजे छत्रपती यांनी मनोज जरांगे पाटील यांची भेट घेतली होती. त्यांना पाठिंबा जाहीर केला होता. तसेच त्यांना पाणी पिण्याची विनंती केली होती. जरांगे पाटील यांनी संभाजीराजे छत्रपती यांच्या विनंतीचा मान ठेवत पहिल्या दिवशी पाणी पिलं होतं. आता पुन्हा एकदा त्यांनी जरांगे पाटील यांना फोन केला आहे.