Monsoon Tourism: पर्यटकांसाठी महत्त्वाची बातमी! राजगड, तोरणा किल्ल्यांसह या पर्यटनस्थळांवर बंदी

पुणे: कोकण आणि घाट परिसरात गेल्या काही दिवसांत पावसाचा जोर कायम आहे. सध्या पावसाळी पर्यटनासाठी अनेकजण डोंगरी किल्ले आणि सह्याद्रीतील निसर्गरम्य ठिकाणी जात असतात. पुणे जिल्ह्यातील डोंगराळ भागात मुसळधार पाऊस सुरू असून दरड कोसळण्याचा आणि निसरड्या रस्त्यांमुळे अपघाताचा धोका वाढला आहे. या पार्श्वभूमीवर पुणे जिल्हा प्रशासनाने मोठा निर्णय घेतला आहे. खबरदारीचा उपाय म्हणून राजगड, तोरणा, मढेघाट तसेच विविध धरण परिसरात पर्यटकांच्या प्रवेशावर बंदी घालण्यात आली आहे.