तो मुंबईत मोठा अधिकारी पण त्या गोड आवाजाच्या जाळ्यात अडकला अन् धक्कादायक घडलं; ऑनलाईन ओळख अन् महिलेचं नको ते कांड

पुणे : विवाहविषयक संकेतस्थळावर झालेल्या ओळखीचे रूपांतर प्रेमजालात करून, एका उच्चपदस्थ शासकीय अधिकाऱ्यासोबत एक महिलेनं धक्कादायक कांड केलं. महिलेनं अधिकाऱ्याला तब्बल ४२ लाख ८७ हजार रुपयांना गंडवल्याचा धक्कादायक प्रकार उघडकीस आला आहे. मुंबईतील एका ४३ वर्षीय जीएसटी (GST) अधिकाऱ्याला नागपूरच्या महिलेनं आपल्या मोहजालात अडकवून हे 'कांड' केलं. याप्रकरणी भारती विद्यापीठ पोलिसांनी दोन महिलांसह तिघांविरुद्ध खंडणी आणि फसवणुकीचा गुन्हा दाखल केला आहे.