Missing Link: पुणे-मुंबई प्रवासात अर्धा तास वाचणार! 1 मे पासून 'मिसिंग लिंक' सुरू होणार? पण या वाहनांना 'नो एन्ट्री', प्रशासनाचा मोठा निर्णय

पुणे : मुंबई-पुणे द्रुतगती महामार्गावरील बोरघाटातील वाहतूक कोंडीतून प्रवाशांची मुक्तता करण्यासाठी बांधण्यात येत असलेला 'मिसिंग लिंक' प्रकल्प आता अंतिम टप्प्यात आला आहे. येत्या १ मे पासून हा मार्ग प्रवाशांसाठी खुला करण्याचे नियोजन महाराष्ट्र राज्य रस्ते विकास महामंडळाने (MSRDC) केले आहे. मात्र, सुरुवातीच्या काळात या मार्गावरून केवळ हलक्या वाहनांनाच प्रवेश मिळणार असून जड आणि धोकादायक वाहनांवर निर्बंध घालण्यात आले आहेत.