Nagar Parishad Election 2025: पुण्यात अजित पवारांच्या NCP ने उघडलं खातं, तर तिथेच भाजपची पहिली विजयी हॅटट्रिक

मावळ: राज्यात नगरपंचायत आणि नगरपरिषद निवडणुकीचा रणसंग्राम सुरू झाला आहे. उमेदवारी अर्ज दाखल झाल्यानंतर आता मैदानात कोण कोण उतरणार याचं चित्र स्पष्ट झालं आहे. राज्यात एकीकडे महायुतीत धुसफूस सुरू आहे. तर दुसरीकडे राज्यभरात ठिकठिकाणी नगर परिषदेच्या निवडणुकीतही महायुतीमध्ये काँटे की टक्कर सुरू आहे. पण, पुणे जिल्ह्यातील तळेगाव दाभाडे नगरपरिषद निवडणुकीमध्ये रंगत लढत सुरू आहे. राष्ट्रवादी अजित गटाने खातं उघडत एक जागा बिनविरोध निवडून आणली. त्यानंतर आता भाजपने धमाका करत ३ जागा बिनविरोध निवडून आल्या आहे.