Nirmala Nawale: कारेगावच्या सरपंच मॅडमला पुन्हा डिवचलं, ग्रामपंचायती समोरच उधळल्या नोटा; Video Viral

पुणे :  कारेगावच्या सरपंच निर्मला नवले या कायमच सोशल मीडियावर चर्चेत असतात. कधी त्यांच्या विकासकामांमुळे, कधी त्यांच्या पेहरावामुळे तर कधी त्यांच्या आलिशान गाड्यांच्या आवडी-निवडीमुळे त्या चर्चेत राहिल्या आहेत. मात्र, सध्या त्या त्यांच्या निवडणुकीतील पराभवामुळे चर्चेच्या केंद्रस्थानी आल्या आहेत. पंचायत समिती कारेगाव गणातून झालेल्या निवडणुकीत भाजपच्या उमेदवार मनिषा पाचंगे यांनी निर्मला नवले यांचा अवघ्या 329 मतांनी पराभव केला. हा पराभव जिव्हारी लागल्यानंतर निर्मला नवले यांनी निवडणुकीदरम्यान मोठ्या प्रमाणावर पैसा,  दारू आणि ड्रग्जचा वापर करण्यात आल्याचा खळबळजनक आरोप केला होता. या आरोपांमुळे राजकीय वर्तुळात खळबळ उडाली होती. दरम्यान आता कारेगावमधील एक व्हायरल व्हिडिओ पुन्हा एकदा चर्चेचा विषय ठरला आहे.