सुमन लक्ष ठेवायची, पुण्यातील कुटुंब घराबाहेर गेली की घरात घुसून करायची मोठं कांड; 250 सीसीटीव्ही तपासताच खळबळ

पिंपरी : कुठे बाहेरगावी जाताना किंवा अगदी कामावर जातानाही आपल्यापैकी अनेकांनी घराची चावी घराबाहेरच एखाद्या कुंडीखाली किंवा चप्पलच्या स्टँडमध्ये ठेवण्याची सवय असते. मात्र, याच सवयीचा फायदा घेऊन आता धक्कादायक कांड घडत आहेत. त्यामुळे, पुणेकरांनो, आता सावध व्हा. सांगवी परिसरात अशाच प्रकारे चावी शोधून घरफोडी करणाऱ्या एका सराईत महिलेला पिंपरी-चिंचवड गुन्हे शाखेच्या पोलिसांनी अटक केली आहे. या कारवाईत पोलिसांनी तब्बल आठ लाख रुपये किमतीचे दागिने जप्त केले असून, या महिलेच्या धक्कादायक कांडामुळे परिसरातील नागरिकांच्या भुवया उंचावल्या आहेत.