Pune News: अव्वाच्या सव्वा भाड्याला 'राम राम'! पुणे स्टेशन-वाघोली मार्गावर 'रातराणी' ठरली वरदान

पुणे: पुणे महानगर परिवहन महामंडळाने (PMP) सुरू केलेली पुणे स्टेशन ते वाघोली दरम्यानची 'रातराणी' बससेवा अल्पावधीतच लोकप्रिय ठरली आहे. गेल्या वीस दिवसांपासून सुरू असलेल्या या सेवेमुळे रात्रीच्या वेळी प्रवास करणाऱ्या हजारो नागरिकांची मोठी सोय झाली आहे. तसंच याला प्रवाशांचा उत्स्फूर्त प्रतिसाद मिळत आहे. रातराणीचा हा प्रयोग यशस्वी झाल्यामुळे आता नागरिकांकडून शहरातील अन्य महत्त्वाच्या मार्गांवरही ही सेवा सुरू करण्याची मागणी जोर धरू लागली आहे.