स्टेटसला मुलीचा फोटो, वरिष्ठांवर गंभीर आरोप, अचानक गायब झालेले पोलीस निखिल रणदिवे सापडले, 5 दिवस कुठे होते?

पुणे ग्रामीण पोलीस दलातील पोलीस नाईक निखील रणदिवे मागील पाच दिवसांपासून बेपत्ता होते. त्यांनी आपल्या व्हॉट्सअॅप अकाऊंटवर आपल्या मुलीचा फोटो शेअर करत भावनिक संदेश लिहिला होता. वरिष्ठांच्या छळाला कंटाळून आपण आत्महत्या करणार असल्याचं त्यांनी स्टेटसमध्ये म्हटलं होतं. या स्टेटसनंतर पुणे ग्रामीण पोलीस दलात एकच खळबळ उडाली होती. आता अखेर पाच दिवसानंतर बुधवारी मध्यरात्री रणदिवे सुखरुपणे आपल्या घरी परतले आहेत. ते यवत पोलीस ठाण्यांतर्गत असणाऱ्या केडगाव पोलीस चौकीत कार्यरत होते.