Pune Accident News: भयानक अपघात, दुचाकीस्वाराचं डोकं थेट ग्रीलमध्ये अडकलं; पुण्यातला VIDEO

पुण्यातील वाकड परिसरातल्या बीआरटी लेनमधून भरधाव वेगाने येणाऱ्या दुचाकीस्वाराचे बाईकवरील नियंत्रण सुटल्यामुळे अपघात झाला आहे. हा अपघात इतका भीषण होता की, बाईकस्वाराचे डोके थेट बीआरटी बस स्टँडच्या लगत असलेल्या एका लोखंडी ग्रीलमध्ये अडकले. दुचाकीस्वाराच्या अपघातात बाईक चालक गंभीर जखमी झाला असून त्याच्यावर परिसरातील एका खासगी रुग्णालयात उपचार सुरू आहेत. दरम्यान, बी आर टी लेनच्या नियमांचे उल्लंघन आणि अतिवेगामध्ये बाईक चालवल्यामुळे त्याचा अपघात झाल्याचे दिसून येत आहे. या घटनेमुळे काही वेळेसाठी का होईना पुण्यामध्ये खळबळ उडाली होती.

बी आर टी लेनमध्ये भरधाव वेगाने जात असताना बाईकवरील नियंत्रण सुटल्यामुळे ती बाईक थेट बीआरटी बस स्टँडच्या लोखंडी ग्रीलवर आदळली. लोखंडी ग्रीलला आदळून त्या दुचाकीस्वाराचे डोके त्या ग्रीलमध्ये अडकले. या अपघातात बाईकस्वार गंभीर जखमी झाला असून त्याच्यावर एका स्थानिक खासगी रुग्णालयात उपचार सुरू आहेत. सुदैवाने त्याचा जीव थोडक्यात बचावला आहे. प्राथमिक माहितीनुसार, बीआरटी लेनमधील नियमभंग आणि अतिवेगामुळे हा अपघात झाला असल्याचे समोर आले आहे. पुणे वाहतूक पोलिस या तरूणाला काय शिक्षा देणार? अद्याप ही माहिती समोर आलेली नाही. या भीषण अपघातानंतर पुन्हा एकदा असं अधोरेखित होतंय की, गाडी चालकांनी नियंत्रित वेगाने आणि हळू गाडी चालवायला हवी.