बाणेरमधील 'त्या' घराचं काळं गुपित! काही वर्षांच्या अंतराने दोन बहिणींचा गूढ मृत्यू; पुणेकरांच्या मनात वेगळीच शंका, उतरले रस्त्यावर

पुणे : पुण्यातील उच्चभ्रू बाणेर परिसरात २७ जानेवारी रोजी एका २० वर्षीय तरुणीचा संशयास्पद मृत्यू झाला. मात्र, या घटनेमागील गूढ आता अधिकच गडद झालं आहे. या प्रकरणाने संपूर्ण पुणेकरांना हादरवून सोडलं आहे. विशेष म्हणजे, ज्या नातेवाईकाकडे या तरुणीचा मृत्यू झाला, त्याच घरात काही वर्षांपूर्वी तिच्या मोठ्या बहिणीचाही अशाच प्रकारे संशयास्पद मृत्यू झाल्याची धक्कादायक माहिती समोर आली आहे. यामुळे ही आत्महत्या आहे की हत्या? असा प्रश्न उपस्थित करत संतप्त नागरिक रस्त्यावर उतरले आहेत.