Pune Crime : पुण्यात प्लॅन आखला, कोल्हापुरात सापळा रचून उचललं! निवडणूक जाहीर होताच बंडू आंदेकरच्या खास माणसाला अटक

Pune Crime News (अभिजीत पोटे, प्रतिनिधी) : पुण्याच्या गुन्हेगारी विश्वात कुप्रसिद्ध असलेला बंडू आंदेकर याच्या घरावर पुणे पोलिसांनी छापेमारी करत 22 लाख रुपयांची रोकड आणि एक बंदूक जप्त केली गेली होती. अशातच आता पुणे पोलिसांच्या हाती मोठं यश लागलं असून, गेल्या दोन वर्षांपासून विविध गंभीर गुन्ह्यांमध्ये फरार असलेला आणि शहरातील कुख्यात आंदेकर टोळीचा सदस्य गणेश ऊर्फ सूरज अशोक वड्‌डा याला कोल्हापूर जिल्ह्यातील भुदरगड परिसरातून अटक करण्यात आली आहे.