Pune Crime : पुणे हादरलं! स्टेटसला 'तो' फोटो ठेवण्यावरून वाद; मित्रानेच तरुणाचा बिअरच्या बाटलीने घेतला जीव

मिळालेल्या माहितीनुसार, आकाश तराळे आणि आरोपी विजय वाघमारे या दोघांवरही आधीचे गुन्हे दाखल आहेत. आकाशने आपल्या सोशल मीडिया स्टेटसवर विजयच्या प्रतिस्पर्धी टोळीतील 'साबळे' नावाच्या व्यक्तीचा फोटो ठेवला होता. याच गोष्टीचा राग मनात धरून विजयने गुरुवारी रात्री नऊच्या सुमारास खराडीतील स्वीट इंडिया चौकात आकाशला गाठले. "तू प्रतिस्पर्धी टोळीच्या माणसाचे फोटो स्टेटसवर का ठेवतोस? तुला मस्ती आली आहे का?" असे म्हणत विजयने आकाशशी वाद घालण्यास सुरुवात केली.