पुणे हादरलं! 300 कोटींची जमीन अन् 37 कोटींची फसवणूक; मोठ्या राजकीय नेत्याचं नाव समोर आल्यानं खळबळ

पुणे : पुण्यातील महंमदवाडी परिसरात एक खळबळजनक प्रकार समोर आला आहे. यात सुमारे ३०० कोटी रुपये बाजारमूल्य असलेल्या जमिनीच्या विकास करारात तब्बल ३७ कोटी ४९ लाख रुपयांची फसवणूक झाल्याचे उघड झाले आहे. याप्रकरणी कोरेगाव पार्क पोलीस ठाण्यात शिवसेना (शिंदे गट) शहरप्रमुख प्रमोद ऊर्फ नाना भानगिरे आणि सिद्धांत भानगिरे यांच्यासह एकूण दहा जणांविरोधात गंभीर गुन्हा दाखल करण्यात आला आहे. बांधकाम व्यावसायिक विश्वजित सुभाष झंबर यांनी दिलेल्या फिर्यादीनुसार, 2011 ते 2026 या प्रदीर्घ काळात हा फसवणुकीचा कट रचला गेला.