पुण्यात नामांकित डॉक्टरनं राहत्या घरात संपवलं आयुष्य; मृत्यूआधी लिहिलेल्या नोटमधील 'ते' कारण वाचून सगळे चक्रावले

डॉ. पाटील हे शहरातील एका प्रतिष्ठित वैद्यकीय महाविद्यालयात वरिष्ठ पदावर कार्यरत होते. शुक्रवारी दुपारी त्यांचे कुटुंबीय बाहेर असताना त्यांनी राहत्या घरात टोकाचे पाऊल उचलले. दुपारी जेव्हा त्यांची पत्नी घरी परतली, तेव्हा हा धक्कादायक प्रकार उघडकीस आला. आपल्या पतीला अशा अवस्थेत पाहून त्यांच्या कुटुंबीयांना मोठा धक्का बसला आहे.

घटनेची माहिती मिळताच सिंहगड रस्ता पोलीस ठाण्याचे वरिष्ठ पोलीस निरीक्षक विनय पाटणकर यांनी पथकासह घटनास्थळी धाव घेतली. पोलिसांना घटनास्थळी एक 'सुसाईड नोट' (चिठ्ठी) सापडली आहे. प्राथमिक तपासानुसार, डॉ. पाटील यांनी कामाच्या अति ताणामुळे आत्महत्या करत असल्याचे त्यात नमूद केले आहे. मोठ्या हुद्द्यावर असूनही कामाचा मानसिक ताण एका तज्ज्ञ डॉक्टरला अशा निर्णयापर्यंत घेऊन गेल्याने हळहळ व्यक्त होत आहे.