पहाटेचे 4 वाजलेले; सगळीकडे शांतता, अचानक पुण्यातील त्या सोसायटीत येऊ लागले मोठे आवाज, दरवाजा उघडताच हादरले लोक

१३ मार्च रोजी पहाटे चारच्या सुमारास धानोरी रस्त्यावरील 'प्रियांश अपार्टमेंट'च्या आवारात ही थरारक घटना घडली. पहाटेची शांतता असतानाच सोसायटीच्या तळमजल्यावरून अचानक मोठे आवाज येऊ लागले आणि धुराचे लोट उठले. घाबरलेले रहिवासी धावत घराबाहेर आले असता, तिथे लावलेली वाहने आगीच्या भक्ष्यस्थानी पडल्याचे त्यांना दिसले. अग्निशमन दलाला पाचारण केल्यानंतर जवानांनी तातडीने पाण्याचा मारा करून आग आटोक्यात आणली, मात्र तोपर्यंत आगीने रौद्र रूप धारण केले होते.