प्रेम, लग्न आणि 'धोखा'! मोनालिसाशी लग्नानंतर 5 दिवसांत दिसला फरमान खानचा वेगळाच चेहरा, VIDEO

फरमान आणि मोनालिसाच्या लग्नाची कथा एखाद्या सिनेमाच्या स्क्रिप्टपेक्षा कमी नाही. केरळमध्ये एका फिल्मच्या शूटिंगदरम्यान त्यांची पहिली भेट झाली होती. प्रेमात पडल्यानंतर 6 महिन्यांत त्यांनी लग्न केलं. मोनालिसाने फरमानला लग्नाची मागणी घातली होती. फरमानने तिला नकार दिला होता. पण मोनालिसाच्या जिद्दीपुढे त्याने माघार घेतली. मोनालिसाने आपल्या घरचे जबरदस्ती आपलं लग्न दुसऱ्यासोबत लावून देत आहेत. जर तू मला वाचवलं नाहीस, तर मी 2-3 दिवसांत जीव देईन, अशी धमकी फरमानला दिला. एका मुलीचं आयुष्य उद्ध्वस्त होऊ नये, याच भावनेतून फरमानने तिच्याशी लग्नाचा निर्णय घेतला.