थाटामाटात लग्न; काही दिवसातच प्रेग्नंट अन् वर्षभरातच दोघांमध्ये खटके; पुण्यातील जोडप्याची कोर्टात धाव, प्रकरणात मोठा निकाल

माधुरी आणि अक्षय (नावे बदललेली) यांचा विवाह २९ जानेवारी २०१७ रोजी थाटामाटात झाला होता. मुलीचे वडील मोठे व्यावसायिक असल्यामुळे थाटामाटात हा विवाहसोहळा झाला. लग्नानंचर काही दिवसात माधुरी गरोदर राहिली. मात्र, काही काळानंतर पती-पत्नीमध्ये खटके उडू लागले आणि पत्नी माहेरी गेली. तिला मुलगी झाली. पण बाळाच्या येण्यानंही काही बदललं नाही आणि पतीने २०२० मध्ये घटस्फोटाचा दावा दाखल केला. माधुरी यांच्याकडे लहान मुलगी असल्याने, त्यांना न्यायालयात वारंवार हजर राहणे अशक्य झाले होते. कौटुंबिक परिस्थिती आणि कोरोना काळातील अडचणींमुळे हा खटला बराच काळ प्रलंबित राहिला.