Pune Crime : सर्वांसमोर गोळ्या घातल्या पण गणेश काळेच्या हत्येसाठी वापरला आयुषच्या मर्डरचा 'पॅटर्न', कोंढव्यात काय घडलं?

Pune Kondhawa Crime News : पुण्यातील कोंढव्यात पिस्तूलातून गोळ्या झाडून कोयत्याने वार करत एकाचा खून करण्यात आल्याची धक्कादायक घटना समोर आली आहे. गणेश काळे असं खून झालेल्या व्यक्तीचे नाव आहे. गणेश हा माजी नगरसेवक वनराज आंदेकर यांच्या खूनातील आरोपी समीर काळे याचा भाऊ असल्याची माहिती समोर येतीये. त्यामुळे या खूनाला टोळी युद्धाची किनार असल्याचा संशय व्यक्त करण्यात येतोय. सोमनाथ गायकवाड टोळीने गेल्या वर्षीय वनराज यांचा गोळ्या झाडून, कोयत्याने वार करत खून केला होता. वनराज यांच्या खूनात वापरलेली पिस्तूले समीर काळे याने मध्य प्रदेशातून आणल्याचे पोलीस तपासात पुढे आलं होतं. अशातच आता आंदेकरांचं संपूर्ण कुटुंब तुरूंगात असताना बाहेर गँग ऑपरेट कोण करतंय? असा सवाल विचारला जात आहे.