तिला लग्न करायचं होतं, पण त्याने 'गेम' केला; पुण्यातील महिलेसोबत मॅट्रिमोनियल साईटवर भयंकर घडलं, पोलिसात धाव

पुणे : विवाहविषयक संकेतस्थळावर (Matrimony Site) जोडीदार शोधणे एका महिलेसाठी अत्यंत महागडे ठरले आहे. लग्नाचे आमिष दाखवून सायबर भामट्यांनी एका ४४ वर्षीय महिलेची तब्बल ५९ लाख ३७ हजार रुपयांची फसवणूक केल्याचा धक्कादायक प्रकार पुण्यात उघडकीस आला आहे. या प्रकरणी चंदननगर पोलिसांनी ८ जणांविरुद्ध गुन्हा दाखल केला असून तपास सुरू केला आहे.