Pune Metro: प्रतीक्षा संपली! पुण्यात मेट्रो लाईन-2 चा विस्तार, इथं होणार डबल-डेकर फ्लायओव्हर

पुणे : पुणेकरांसाठी एक आनंदाची बातमी आहे. गेल्या अनेक महिन्यांपासून रामवाडी ते वाघोली परिसरातील नागरिक मेट्रो सुरू होण्याची आतुरतेने वाट पाहत आहेत. अखेर आता त्यांची ही प्रतीक्षा संपणार आहे. पुणे मेट्रो लाईन क्रमांक 2 चा विस्तार रामवाडीपासून वाघोली आणि पुढे विठ्ठलवाडीपर्यंत करण्यास मंजुरी मिळाली आहे. या विस्तारासाठी महा मेट्रो लवकरच निविदा जारी करणार आहे. हा मार्ग सुमारे 11.63 किमी लांबीचा असेल. या विस्तारित मार्गावर एकूण 11 नवीन मेट्रो स्टेशनचा समावेश असणार आहे.