Pune : पुण्यात वसंत मोरेंना 'झटका', भाजप तात्यांना दाखवणार कात्रजचा घाट? धक्कादायक कल समोर! गजा मारणेच्या पत्नीला धक्का!
- Published by:Saurabh Talekar
Last Updated:
Pune Municipal Corporation Election 2026 Result : टिळेकर रंजना पुंडलिक या भाजप उमेदवारांविरुद्ध वसंत मोरे यांची फाईट आहे तर बधे गंगाधर विठ्ठल यांच्याविरुद्ध देखील वसंत मोरे यांना लढावं लागलं होतं.
PMC Election 2026 Result : पुण्यात उद्धव बाळासाहेब ठाकरेंचे डॅशिंग नेते वसंत मोरे यांना मोठा धक्का बसला आहे. वसंत मोरे प्रभाग क्रमांक 40 (ड) मधून पिछाडीवर असल्याची माहिती समोर आले आहे. उद्घव ठाकरेंचे प्रमुख नेते म्हणून वसंत मोरे यांचं नाव आहे. टिळेकर रंजना पुंडलिक या भाजप उमेदवारांविरुद्ध वसंत मोरे यांची फाईट आहे तर बधे गंगाधर विठ्ठल यांच्याविरुद्ध देखील वसंत मोरे यांना लढावं लागलं होतं. अशातच आता दुसऱ्या फेरीनंतर वसंत मोरेंना धक्का बसला आहे. त्यामुळे अंतिम निकालावर सर्वांचं लक्ष लागलंय.
पुण्यात भाजपाला 39 जागांची आघाडी आहे. तर राष्ट्रवादी काँग्रेस केवळ 5 जागांवर आघाडीवर असल्याचं चित्र पहायला मिळतंय. अशातच गजा मारणेची पत्नी जयश्री मारणे या पिछाडीवर असल्याचं कळतंय. प्रभाग क्रमांक 10 (ब) मध्ये जयश्री मारणे विरुद्ध सचिन पवार अशी लढत पहायला मिळाली. या प्रभागात शिवसेनेच्या मिनल धनवटे यांनी देखील तगडी फाईट दिली.
advertisement
दरम्यान, पुणे महापालिकेच्या निवडणुकीसाठी तब्बल नऊ वर्षांनंतर शहरवासीयांना आपला कौल देण्याची संधी मिळाली आहे. शहरातील ४१ प्रभागांमधून एकूण १६५ नगरसेवक निवडून येणार आहेत. या निवडणुकीत चौरंगी सामना रंगला होता. महायुतीतील तीन पक्ष वेगळे लढत असल्याने स्पर्धा तीव्र झाली.
Click here to add News18 as your preferred news source on Google. मुंबई आणि पुण्यासह महाराष्ट्रातील महानगरपालिका निवडणुकीचे निकाल पाहण्यासाठी येथे क्लिक करा आणि ताज्या निवडणूक बातम्या तसेच अपडेट्सची यादी मिळवा.
Location :
Pune,Maharashtra
First Published :
Jan 16, 2026 11:30 AM IST
मराठी बातम्या/पुणे/
Pune : पुण्यात वसंत मोरेंना 'झटका', भाजप तात्यांना दाखवणार कात्रजचा घाट? धक्कादायक कल समोर! गजा मारणेच्या पत्नीला धक्का!
