पार्थनं कानामागं पिस्तुल लावला अन्...आवाजानं अख्खी सोसायटी हादरली; पुण्याच्या नांदेड सिटीत धक्कादायक घडलं

पोलिसांनी दिलेल्या माहितीनुसार, पार्थ नांदेड सिटीतील 'आसावरी' इमारतीत आपल्या मामांकडे वास्तव्यास होता. मंगळवारी (१० मार्च) सकाळी या सदनिकेत पार्थने पिस्तुलातून स्वतःच्या कानाच्या मागील बाजूस गोळी झाडली. गोळीबाराचा आवाज ऐकून आजूबाजूच्या लोकांची धावपळ उडाली. माहिती मिळताच पोलिसांनी तातडीने घटनास्थळी धाव घेतली आणि जखमी पार्थला तत्काळ रुग्णालयात हलवले. मात्र, उपचारांपूर्वीच डॉक्टरांनी त्याला मृत घोषित केले. घटना इतकी भीषण होती, की उपचाराआधीच त्याचा मृत्यू झाला.