संघर्षात हार मानेल ती नंदिनी कसली? घरातील कर्ते पुरुष अकाली गेले अन्.., Video

पुणे: पतीच्या अकाली निधनानंतर महिलांना अनेक अडचणींना सामोरं जावं लागतं. मात्र, या संघर्षाच्या काळातही महिलाच सक्षमपणे उभ्या राहतात आणि कुटुंबाचा डोलाराही सांभाळतात. असंच काहीसं उदाहरण पुण्यात आहे. 10 वर्षांपूर्वी पतीचं निधन झालं. त्यानंतर कोरोनात सासरे गेले. घरातील कर्त्या पुरुषांच्या अकाली निधनानंतर कुटुंब उघड्यावर येण्याची स्थिती होती. पण या दु:खातून स्वत:ला सावरत नंदिनी महेश बागूल पुढे सरसावल्या आणि त्यांनी कुटुंबाची जबाबदारी स्वत:च्या खांद्यावर घेतली. सासऱ्यांची पिठाची गिरणी चालवून त्या सासू आणि दोन मुलांचा सांभाळ करत आहेत.