पुण्याच्या 'ताशा किंग'ची सोशल मीडियावर हवा, पाचवी पिढी जपतेय लोककलेचा वारसा, Video

पुणे शहरातील शिरूर तालुक्यातील राहणारे सिराज मणियार हे गेल्या 40 वर्षांपासून ताशा वाजवतात. ताशा वाजवत असताना त्याच्या चेहऱ्याचे हावभाव हे बघण्याजोगे असतात. त्यामुळे ते समाज माध्यमावर देखील खूप प्रसिद्ध आहेत. त्यांचा एक वेगळा चाहतावर्ग आहे. 'गेल्या अनेक वर्षांपासून मी ताशा वादन करत असून मायबाप प्रेक्षकांचं माझ्यावर प्रेम आहे. त्यांच्या प्रेमाने मला प्रोत्साहन मिळतं आणि यामुळे ताशा वाजवत असताना माझ्यात एक वेगळाच उत्साह संचारतो असं सिराज यांनी म्हटलंय.

गेल्या अनेक वर्षांपासून सिराज हे ताशा वाजवत आहेत त्यांच्या वादनातली सहजतेमुळे प्रेक्षक त्यांच्याकडे आकर्षित होतात. त्यामुळे त्यांना ताशाकिंग हे नावं पडलं आहे. त्यांच्यासाह त्यांचे मणियार कुटुंब हे संगीत कलेशी जोडलं गेलंय. त्यांची पाचवी पिढी देखिल वादणाच्या माध्यमातून लोककला जपण्यासाठी प्रयत्न करत आहे. मणियार कुटूंब पिढ्यानपिढ्या वादनाचे धडे गिरवत असून त्यांच्याकडून देखील आपली लोकवाद्ये जपण्याचा प्रयत्न होईल, असं सिराज मणियार यांनी म्हटलंय.