Sunspots : आकाशात दुर्मिळ खगोलीय घटना! पुढील 10 दिवस सूर्याकडे बघताच दिसणार हे नयनरम्य दृश्य, आवर्जून पाहा

मुंबईतील नेहरू तारांगणाचे संचालक अरविंद परांजपे यांनी दिलेल्या माहितीनुसार, सूर्याच्या दृश्य पृष्ठभागाला 'फोटोस्फीअर' म्हणतात. सध्या हा भाग अनेक काळ्या डागांनी व्यापलेला आहे. हे डाग म्हणजे सूर्यावरील असे भाग आहेत जिथे तापमान आजूबाजूच्या प्रदेशापेक्षा कमी असते. फोटोस्फीअरचे तापमान साधारणपणे ६,३०० अंश सेल्सिअस असते, तर सौर डागांचे तापमान ४,००० अंश सेल्सिअसच्या आसपास असते. तापमान कमी असल्याने हे भाग गडद किंवा काळे दिसतात.

सौर डागांच्या संख्येत होणारी वाढ ही सूर्याच्या ११ वर्षांच्या चक्रावर अवलंबून असते. जेव्हा सौर डागांची संख्या सर्वाधिक असते, तेव्हा त्याला 'सोलर मॅक्सिमम' म्हणतात. या डागांमुळे सूर्यावर शक्तिशाली 'सौर ज्वाला' निर्माण होतात. यामुळे अवकाशात विद्युतभारीत कण फेकले जातात, ज्याला 'कोरोनल मास इजेक्शन' म्हणतात. जेव्हा हे कण पृथ्वीच्या ध्रुवीय प्रदेशात पोहोचतात, तेव्हा आकाशात Auroral displays म्हणजेच रंगीबेरंगी प्रकाशाची उधळण पाहायला मिळते.