पुणे-मुंबई रेल्वे प्रवाशांसाठी महत्त्वाची बातमी: 11 दिवस वेळापत्रक विस्कळीत, तपासा नव्या वेळा

पुणे : लोणावळा-कल्याण रेल्वे विभागात 'पॉवर ब्लॉक' घेण्यात येणार असल्याने पुणे आणि मुंबई दरम्यान प्रवास करणाऱ्या रेल्वे गाड्यांच्या वेळापत्रकावर मोठा परिणाम होणार आहे. 26 नोव्हेंबर ते 6 डिसेंबर या कालावधीत रेल्वे मार्गावरील प्री नॉन इंटरलॉकिंग आणि नॉन-इंटरलॉकिंग कामांसाठी हा विशेष ब्लॉक घेतला जाणार आहे. या कामामुळे पुणे, मुंबई आणि अन्य राज्यांतून ये-जा करणाऱ्या अनेक एक्स्प्रेस गाड्यांना उशीर होणार असून, काही लोकल गाड्या निश्चित स्थळाच्या अलीकडेच थांबवण्यात येणार आहेत. यामुळे प्रवाशांना अडचणींचा सामना करावा लागण्याची शक्यता आहे.