Pune News: मायभूमी युद्धाने होरपळली, पुण्यात इराणी विद्यार्थ्यांसमोर नवं संकट, पोलीसही आले पुढे!

पुणे : अमेरिका, इस्रायल आणि इराण यांच्यात सुरू असलेल्या संघर्षाच्या पार्श्वभूमीवर पुणे शहरात सुरक्षा व्यवस्था अधिक कडक करण्यात आली आहे. शहरातील संवेदनशील भाग, धार्मिक स्थळे तसेच गर्दीची ठिकाणे येथे पोलिसांचा वाढीव बंदोबस्त तैनात करण्यात आला असून गस्त वाढवण्याचे आदेश देण्यात आले आहेत. सह पोलीस आयुक्त रंजनकुमार शर्मा यांनी याबाबत अधिकृत माहिती देत शहरभर गस्त वाढवण्याच्या सूचना देण्यात आल्याचे सांगितले. ही उपाययोजना पूर्णपणे खबरदारीचा भाग असून नागरिकांनी कोणतीही अफवा पसरवू नये, असे आवाहनही त्यांनी केले.