बाप्पाच्या दर्शनानं नववर्षाची सुरुवात! दगडूशेठ गणपती मंदिरात भाविकांची अलोट गर्दी, Video

पुणे : नव्या वर्षाच्या स्वागताचा आनंद आणि उत्साह सर्वत्र पाहायला मिळत असून, पुण्यातील श्रद्धास्थान असलेल्या श्रीमंत दगडूशेठ हलवाई गणपती मंदिरात भाविकांची मोठी गर्दी उसळली आहे. आज, 1 जानेवारी रोजी पहाटेपासूनच बाप्पाच्या दर्शनासाठी नागरिकांनी मंदिर परिसरात हजेरी लावली असून, रात्रीपासूनच भाविकांमध्ये विशेष उत्साह पाहायला मिळत आहे. सर्वांचा लाडका बाप्पा म्हणून ओळखल्या जाणाऱ्या दगडूशेठ गणपतीच्या दर्शनाने नववर्षाची सुरुवात करण्यासाठी हजारो भाविक मंदिरात दाखल झाले आहेत.