सांस्कृतिक पुण्यातले 'बक्कासूर', मिसुरडं न फुटलेली पोरं अन् कोयते! SPECIAL REPORT

मानसोपचार तज्ञांच्या मते, या प्रवृत्तीमागे एकच नव्हे तर अनेक सामाजिक, मानसिक आणि आर्थिक घटक कारणीभूत आहेत. डॉ. रोहन जहागीरदार यांनी सांगितले की, अल्पवयीन गुन्हेगारी वाढीमागे इम्पलसिव्हिटी (उतावळेपणा), इमोशनल इनबॅलन्स (भावनिक अस्थिरता), व्यसन, कौटुंबिक वातावरण आणि आर्थिक ताणतणाव हे प्रमुख घटक आहेत. लहान वयातील मुलांमध्ये निर्णय घेण्याची क्षमता विकसित झालेली नसते, त्यामुळे ते सहज चुकीच्या मार्गाला लागतात.

तज्ञांचा सल्ला आहे की पालकांनी मुलांच्या मानसिक आरोग्याकडे लक्ष देणं आवश्यक आहे. त्यांच्या मित्रमंडळी, सोशल मीडियावरील क्रियाकलाप आणि शैक्षणिक प्रगतीवर लक्ष ठेवावं. शाळा-कॉलेजांनी मानसिक आरोग्य आणि भावनिक शिक्षणावर भर द्यावा. समाजानेही अशा मुलांना गुन्हेगार म्हणून नव्हे, तर सुधारण्याची संधी देणारे नागरिक म्हणून स्वीकारणं गरजेचं आहे. अल्पवयीन मुलांमध्ये गुन्हेगारी वाढीचं हे चित्र चिंताजनक असलं तरी योग्य मार्गदर्शन, कौटुंबिक पाठबळ आणि सामाजिक जबाबदारीद्वारे ही परिस्थिती निश्चित बदलता येऊ शकते.