पुण्यात पुन्हा भीषण अपघात, भरधाव टँकरने तरुणीला चिरडलं

अभिजीत पोते, प्रतिनिधी पुणे: मागील काही दिवसांपासून पुण्यासह पिंपरी चिंचवड परिसरात अपघाताच्या घटना वाढल्या आहेत. काही दिवसांपूर्वी पिंपरी चिंचवड परिसरात एका सिमेंट मिक्सरने दुचाकीवरून जाणाऱ्या तरुणीला चिरडलं होतं. याबाबतचा सीसीटीव्ही व्हिडीओ समोर आला होता. ज्यात एक भरधाव मिक्सर तरुणीला चिरडताना दिसून आलं होतं. अपघाताची ही घटना ताजी असताना आता पुण्यात आणखी एक अपघात घडला आहे. ज्यात एका तरुणीचा जागीच मृत्यू झाला आहे.