Ganeshotsav 2025: चाकरमान्यांसाठी एसटीचा मोठा निर्णय, गणपतीसाठी सोडणार अतिरिक्त बस, असं आहे नियोजन

पुणे : गणेशोत्सवासाठी महाराष्ट्र राज्य परिवहन महामंडळाने (एसटी) प्रवाशांसाठी मोठा निर्णय घेतला आहे. कोकणात जाणाऱ्या चाकरमान्यांची संख्या लक्षात घेऊन 5103 अतिरिक्त बस फेऱ्या सोडण्याचे नियोजन करण्यात आले आहे. मुंबई, ठाणे, पनवेल, रायगड आणि पालघर येथून या बसेस कोकणासाठी रवाना होणार आहेत. मुंबईतील तीन मुख्य डेपोमधून 973 गाड्या कोकणाकडे जातील, त्यापैकी कुर्ला डेपोतून 69 गाड्या सोडण्यात आल्या आहेत.