आयटीची नोकरी करणाऱ्या सुहासने उभारली खास बँक, काय आहे ठेवी? Video

पुणे : निसर्गसंवर्धनाची आवड असेल, तर तुम्ही कोणत्याही ठिकाणाहून निसर्गसंवर्धन करू शकता. पुण्यातील सुहास कडू यांनी हेच दाखवून दिलं आहे. सुहास कडू हे एका नामवंत आयटी कंपनीत कार्यरत आहेत. नोकरी करत असतानाच त्यांनी निसर्गाप्रती आपलं कर्तव्यही तितक्याच निष्ठेने पार पाडत आहेत. नष्ट होत चाललेल्या विविध वनस्पती प्रजातींच्या बिया ते स्वतः गोळा करतात. या बियांपासून त्यांनी स्वतःची एक स्वतंत्र बीज बँक उभारली आहे. या उपक्रमातून आतापर्यंत त्यांनी शेकडो झाडांचे संवर्धन केले आहे. बिया असोत किंवा रोपं ही सर्व सामग्री ते महाराष्ट्रभरात पाठवत आहेत. त्यांच्या या प्रेरणादायी प्रवासाबाबत त्यांनी लोकल 18 ला माहिती दिली आहे.