Pune: 'त्या' भुखंड घोटाळा प्रकरणात निलंबित तहसीलदार येवलेंना दिलासा, खडक पोलिसांनी धक्का

पुणे : राज्याचे उपमुख्यमंत्री अजित पवार यांचे चिरंजीव पार्थ  पवार यांचा पुण्यातील जमीन खरेदी घोटाळा समोर आला होता. या प्रकरणामुळे राज्याच्या राजकारणात खळबळ उडाली होती. या प्रकरणी तहसीलदार सूर्यकांत येवले यांना निलंबित करण्यात आलं होतं. पण, आता निलंबित तहसीलदार सूर्यकांत येवले यांना दिलासा मिळाला आहे. बोपोडी घोटाळा प्रकरणात येवले यांना अंतरिम जामीन मंजूर झाला आहे. त्यामुळे अटकेपासून त्यांची तुर्तास सुटका झाली आहे.

पुण्यातील बोपोडी जमीन व्यवहार प्रकरणात निलंबित तहसीलदार सूर्यकांत येवले यांना न्यायालयाने अंतरिम अटकपूर्व जामीन मंजूर केला आहे. शासकीय जमीन खासगी व्यक्तीच्या नावे केल्याप्रकरणी त्यांच्यावर खडक पोलीस ठाण्यात गुन्हा दाखल करण्यात आला होता. याप्रकरणी त्यांना जामीन मिळाला आहे.

येवले यांना २०११ मध्ये उमरेड (नागपूर) येथे १०,००० ची लाच घेताना पकडलं होतं. ६ दोषारोपपत्रं ठेवण्यात आली, पण चौकशीचा पत्ता नाही. त्यानंतर गडचिरोलीला हजर न राहिल्यामुळे त्यांचं निलंबन करण्यात आलं पण सेटिंग लावून परत रुजू झाल्याचा खळबळजनक दावा कुंभार यांनी केला होता. २०१४ मध्ये चंद्रपूर जिल्ह्यातील सिरोंचा कोतवाल भरती प्रकरणात प्रत्येकाकडून २ ते २.५ लाख रुपये लाच घेतल्याचा आरोप आहे. हा प्रकार कानावर येताच नक्षलवाद्यांनी अशा अधिकाऱ्यांना सोडणार नाही असंही जाहीर केलं होतं. त्यानंतर २०१६ मध्ये पुणे विभागात बदली करण्यात आली. पुणे जिल्हा पुरवठा अधिकारी मंत्रालयातून 'सेटिंग' करून पोस्टिंग घेतल्याचा आरोप कुंभार यांनी केला होता. २०१६ मध्येच इंदापूर तहसीलदार म्हणून रुजू ५८ सरकारी जमिनींचं अनियमित वाटप, वाळूमाफियाकडून संगनमत यामुळे जिल्हाधिकारी पुणे यांनी निलंबन केलं होतं. १४ वर्षांत ७ वेळा भ्रष्टाचाराचे गंभीर आरोप, पण प्रत्येक वेळी 'सेटिंग' लावून बचाव केला असल्याचं त्यांनी म्हटलंय.