Solapur: नाद करतोय का? हॉटेल 7777 च्या मालकाला मॅनेजरला मारहाण भोवली, प्रकरणात पोलिसांची एंट्री

लखन हरिदास माने याच्या हॉटेल 7777 मध्ये हा प्रकार घडला होता. हा व्हिडीओ ४ महिने जुना असल्याचं सांगितलं जात आहे. हॉटेल 7777 मध्ये ज्या व्यक्तीला मारहाण झाली होती तो हॉटेलचा मॅनेजर होता. त्या दिवशी मॅनेजर हा दारूच्या नशेत हॉटेलमध्ये आला होता. त्यावेळी दारूच्या नशेत तो नग्न अवस्थेत आला होता. हे हॉटेलचे मालक लखन माने याने पाहिलं. त्यानंतर या मॅनेजरला सगळ्यासमोर नग्न करून लोखंडी पाईपने बेदम मारहाण केली. यावेळी हॉटेलचा स्टापही यामध्ये सहभागी झाला होता, अशी माहिती खुद्द मॅनेजरने दिली होती.

दरम्यान, व्हिडीओ व्हायरल झाल्यानंतर हॉटेल मालक लखन मानेला जाग आली. त्याने ज्या मॅनेजरला मारहाण केली होती, त्याला सोबत घेऊन एक व्हिडीओ प्रसिद्ध केला होता. या व्हिडिओमध्ये मॅनेजर म्हणतो की, 'मी ड्रिंक करून आलो होतो, मी नग्न अवस्थेत होतो. मालकांनी मला पाहिल्यावर त्यांनी मला मारलं' असं मॅनेजरने सांगतोय. एवढंच नाहीतर मॅनेजरला मारहाण केल्यानंतर लखन माने याने व्हिडीओ व्हायरल करणाऱ्यांवरच  कायद्याच्या मार्फत मी कारवाई करणार, असा इशाराही दिला होता. पण, आता पोलिसांनी या मारकुट्या हॉटेल मालकाला अटक केली असून कायद्याचा चांगलाच इंगा दाखवला आहे.