Shocking Theft : अवघ्या 7 दिवसात तपासाचे चक्र फिरली! तीस लाखाचा सोनं परत मिळालं; जाणून घ्या तपासात काय घडलं

मिळालेल्या माहितीनुसार, 25 ते 26 ऑक्टोबरदरम्यान करांडे कुटुंब तुळजापूरला देवदर्शनासाठी गेले होते. त्यांनी घरात मौल्यवान वस्तू सुरक्षित ठेवण्यासाठी काळजी घेतली होती. मात्र, त्यांच्या अनुपस्थितीत काही सराईत चोरांनी या भागातील बंद घरांची रेकी करून करांडे यांच्या घरावर डल्ला मारला. त्यांनी कपाट फोडून आत ठेवलेले दागिने आणि रोकड घेऊन पोबारा केला.

तळेगाव, वडगाव, कामशेत आणि मावळ परिसरातील अनेक ठिकाणचे फूटेज पाहिल्यानंतर पोलिसांना दोन संशयितांवर संशय आला. त्यांचा माग काढत पोलिसांनी पुण्यापर्यंत तपास वाढवला. तब्बल सात दिवसांच्या अथक प्रयत्नांनंतर पोलिसांना यश मिळाले. खराडी परिसरातून साहील निसार शेख आणि सद्दाम गुलाब बागवान या दोघांना अटक करण्यात आली. चौकशीत त्यांनी घरफोडीची कबुली दिली आणि चोरी केलेले दागिने कुठे लपवले होते तेही सांगितले.