Ganeshotsav Pune : तुळशीबाग मंडळाचा उपक्रम, यंदाच्या वर्षी तयार केला जगन्नाथ पुरीचा देखावा, VIDEO

पुणे : गणपती उत्सवाला सुरुवात झाली आहे आणि सर्वत्र उत्साहाचे वातावरण पाहायला मिळत आहे. पुण्यात गणपती उत्सवाला देखाव्याची मोठी परंपरा आहे. यामध्ये मानाचा चौथा गणपती तुळशीबाग गणपती आहे. याठिकाणी यावर्षी ओडिसा राज्यातील जगन्नाथ पुरीची प्रतिकृती साकारलेली पाहायला मिळत आहे. हे मंदिर लांब असल्याने प्रत्येकाला जाणे शक्य होत नाही. हीच संकल्पना समोर ठेऊन यंदा तुळशीबाग मंडळाने सेम हुबेहूब प्रतिकृती तयार केली आहे. याचविषयी घेतलेला हा आढावा.

पुण्यातील श्री तुळशीबाग गणपती (तुळशीबाग सार्वजनिक गणेशोत्सव मंडळ) हा मानाचा चौथा गणपती आहे. या गणपतीची स्थापना 1901 मध्ये करण्यात आली. यंदाच्या वर्षी मंडळाने जगन्नाथ पुरी मंदिराचा हुबेहूब देखावा तयार केला आहे. याठिकाणी सुंदर असे नक्षीकाम, झुंबर लावलेले पाहायला मिळत आहे.