Pune : महिलांनो 'ही' गोष्ट दुर्लक्ष करणं पडणार महागात, पुणे जिल्ह्यात घोंगावतंय गंभीर संकट

तपासणीतून समोर आलेल्या आकडेवारीनुसार 18500 महिलांना उच्च रक्तदाब तर 14200 महिलांना मधुमेह असल्याचे स्पष्ट झाले. या दोन्ही आजारांचे प्रमाण ग्रामीण भागातही वाढताना दिसत आहे, जे भविष्यात गंभीर आरोग्यसंकट ठरू शकते. महिलांमध्ये स्तन कर्करोगाच्या संशयित रुग्णांची संख्या 2450 इतकी आढळली आहे.

विशेषतहा अॅनिमियाचे प्रमाण अत्यंत चिंताजनक असून, 78 हजार महिलांचे हिमोग्लोबिन 11 ग्रॅमपेक्षा कमी असल्याचे निष्पन्न झाले आहे. म्हणजेच, सुमारे 32 टक्के महिलांमध्ये रक्तातील हिमोग्लोबिनची कमतरता आढळली आहे. वैद्यकीय अधिकाऱ्यांच्या मते, ही बाब महिलांच्या एकूण आरोग्यासाठी गंभीर धोका निर्माण करणारी आहे.

या मोहिमेत आढळलेल्या तक्रारींनुसार 27 हजार महिलांना पुढील वैद्यकीय उपचार देण्यात आले. डॉक्टरांच्या मते, पोषणाचा अभाव, अनियमित जीवनशैली आणि आरोग्याविषयी उदासीनता ही महिलांमधील आजारवाढीची प्रमुख कारणे आहेत. या अभियानातून महिलांच्या आरोग्यविषयी महत्त्वाची माहिती मिळाली असून, विशेषतः अॅनिमिया, उच्च रक्तदाब आणि मधुमेहाचे प्रमाण चिंताजनक आहे. त्यामुळे पुढील काळात नियमित तपासण्या, पोषणपूरक आहार वितरण आणि जनजागृती उपक्रम राबवले जाणार आहेत,’ असे उपसंचालक, आरोग्य सेवा, पुणे मंडळ डॉ. भगवान पवार यांनी सांगितले.

महिलांचे आरोग्य म्हणजे परिवाराचे, समाजाचे आरोग्य हे लक्षात घेता, स्वस्थ नारीचे स्वप्न साकार करण्यासाठी आता नियमित तपासणी आणि आरोग्यजागृती हा एकमेव उपाय असल्याचे या मोहिमेतून स्पष्ट झाले आहे.